Lezing oud geslacht/heraldiek

Het Nederlandstalige persbericht vindt u onderaan.

----

Ljouwert, 16 oktober 2023

PARSEBERJOCHT

Luxwolda: famyljeskiednis yn Lúkswâld

De Fryske Akademy bestiet 85 jier. It Genealogysk Wurkferbân fan ‘e Fryske Akademy organisearret dêrom, yn ‘e mande mei de Fryske Rie foar Heraldyk, in middei oer Lúkswâlder famyljeskiednis. Op sneon 25 novimber hâldt genealooch Anne Hielke Lemstra yn doarpshuis ‘t Trefpunt yn Lúkswâld in lêzing oer de famylje Luxwolda en relatearre famyljes út it doarp, oant sirka 1875. Heraut Jelle Terluin fan de Fryske Rie foar Heraldyk komt fertelle oer de flagge en it wapen fan Lúkswâld. It begjint om 13:30 oere, de tagong is fergees.

Anne Hielke Lemstra giet yn syn lêzing yn op it ûndersyk dat er dien hat nei de skiednis fan de famylje Luxwolda en inkelde relatearre famyljes. It komôf fan dy famylje is, fansels, it doarpke Lúkswâld yn Opsterlân. It doarp sels en de eardere gritenij Aengwirden binne dan miskien lyts, mar de oerlevere boarnen jouwe rom ynsjoch yn dizze (lytse) famylje.

Generaasjes lang wiene de Luxwolda’s belutsen by de turfwinning yn ’e streek. Aldere generaasjes fan de famylje binne te finen yn it deunby Aengwirden, wylst lettere generaasjes harr fêstigen yn ûnder oare Langsweagen en op ’e Gordyk.

In artikel dat Lemstra skreau nei oanlieding fan syn ûndersyk, ferskynt ynkoarten yn it nije Genealogysk Jierboek, dat sûnt 1951 útjûn wurdt troch de Fryske Akademy en ûnder redaksje stiet fan leden fan it Genealogysk Wurkferbân. It jierboek befettet genealogyske bydragen, lykas kertiersteaten, parentelen en oare rekonstruksjes fan famyljerelaasjes út eardere tiden, en in oersjoch fan wapenregistraasjes troch de Fryske Rie foar Heraldyk.

Spesjaal foar de lêzing fan Lemstra iepenje de doarpshistoarisy fan Lúkswâld de doarren fan harren argyf, dat húsfêste is yn doarpshús ‘t Trefpunt, dêr 't ek de lêzing hâlden wurdt.

Oer Anne Hielke Lemstra

Anne Hielke Lemstra (1967) is sûnt 2006 redaksjelid fan it Genealogysk Jierboek. Ek wie hy foarsitter fan it Genealogysk Wurkferbân fan ‘e Fryske Akademy.

Op de legere skoalle wie Lemstra al dwaande mei argyfûndersyk. Yn 2002 resultearre dat yn in publikaasje oer in famylje Lemstra yn it Genealogysk Jierboek. Dat gie net oer syn eigen famylje, mar oer in lytse famylje dy’t de famyljenamme ontliend hat oan har plak fan komôf: De Lemmer.

Yn 2015 skreau hy it boek 200 jaar Schirm mode Lemmer & Emmeloord oer de skiednis fan sân generaasjes kleanmakkers, fan de oprjochter Valentijn Schirm yn 1815 ôf oant de hjoeddeistige generaasje. Ek levere Lemstra in bydrage oan Tussen Zijlroede en Lijnbaan (2008), in boek oer de skiednis fan ien fan de oerlevere achttjinde-iuwske pannen op ‘e Lemmer.

Oer de Fryske Akademy

De Fryske Akademy docht, dielt en fasilitearret wittenskiplik ûndersyk nei de Fryske kasus yn ynternasjonaal en multydissiplinêr perspektyf. De fokus leit dêrby op taal en meartaligens, skiednis en erfgoed, de minske en syn omjouwing en de ûntwikkeling fan digitale ynfrastruktueren; it leafst yn dwersferbân en yn komparatyf perspektyf. Yn 2023 bestiet de Fryske Akademy 85 jier.

De wurkferbannen en stúdzjerûnten fan de Fryske Akademy fungearje as platfoarm foar boargerwittenskip en as moetingsplak foar kennisútwikseling op mêden lykas genealogy, archeology, letterkunde en maritime skiednis.

Yn it koart

• Lêzing Anne Hielke Lemstra – ‘Luxwolda’
• Datum: sneon 25 novimber 2023
• Plak: ‘t Trefpunt, Hegedyk 38A, Lúkswâld
• Fiertaal: Frysk
• Tiid: ynrin 13:00 oere, start 13:30 oere
• Tagong: fergees

Online

• Fryske-akademy.nl
• Fryske Akademy – Genealogysk Wurkferbân
• Fryske Akademy – Fryske Rie foar de Heraldyk
• Genealogysk Jierboek

 

 

Leeuwarden, 16 oktober 2023

PERSBERICHT

Luxwolda: familiegeschiedenis in Luxwoude

De Fryske Akademy bestaat 85 jaar. Het Genealogisch Werkverband van de Fryske Akademy organiseert daarom, samen met de Fryske Rie foar Heraldyk, een middag over Luxwouder familiegeschiedenis. Op zaterdag 25 november houdt genealoog Anne Hielke Lemstra in dorpshuis ‘t Trefpunt in Luxwoude een lezing over de familie Luxwolda en aanverwante families, tot circa 1875. Heraut Jelle Terluin van de Fryske Rie foar Heraldyk komt langs om te vertellen over de vlag en het wapen van Luxwoude. De lezing begint om 13:30 uur, de toegang is gratis.

Anne Hielke Lemstra gaat in zijn lezing in op het onderzoek dat hij deed naar de geschiedenis van de familie Luxwolda en enkele gerelateerde families. De herkomst van die familie is, logischerwijs, het dorpje Luxwoude in Opsterland. Het dorp zelf en de voormalige grietenij Aengwirden mogen dan klein zijn, maar de overgeleverde bronnen geven ruimschoots inzicht in deze (kleine) familie.

Generaties lang waren de Luxwolda’s betrokken bij de turfwinning in de streek. Oudere generaties van de familie zijn te vinden in het nabije Aengwirden, terwijl latere generaties zich vestigden in onder meer Langezwaag en Gorredijk.

Een artikel dat Lemstra schreef naar aanleiding van zijn onderzoek, verschijnt binnenkort in het nieuwe Genealogysk Jierboek, dat sinds 1951 wordt uitgegeven door de Fryske Akademy en onder redactie staat van leden van het Genealogysk Wurkferbân. Het jaarboek bevat genealogische bijdragen, zoals kwartierstaten, parentelen en andere reconstructies van familierelaties uit vroegere tijden, en een overzicht van wapenregistraties door het heraldisch college Fryske Rie foar Heraldyk.

Speciaal voor de lezing van Lemstra openen de dorpshistorici van Luxwoude de deuren van hun archief, dat gehuisvest is in dorpshuis ‘t Trefpunt, waar ook de lezing wordt gehouden.

Over Anne Hielke Lemstra

Anne Hielke Lemstra (1967) is sinds 2006 redactielid van het Genealogysk Jierboek. Ook was hij voorzitter van het Genealogysk Wurkferbân van de Fryske Akademy.

Op de lagere school was Lemstra al bezig met archiefonderzoek. In 2002 resulteerde dat in een publicatie over een familie Lemstra in het Genealogysk Jierboek. Dat ging niet over zijn eigen familie, maar over een kleine familie die de familienaam heeft ontleend aan hun plaats van herkomst: Lemmer.

In 2015 schreef hij het boek 200 jaar Schirm mode Lemmer & Emmeloord, over de geschiedenis van zeven generaties kleermakers, vanaf oprichter Valentijn Schirm in 1815 tot de huidige generatie. Ook leverde Lemstra een bijdrage aan Tussen Zijlroede en Lijnbaan (2008), een boek over de geschiedenis van een van de weinig overgeleverde achttiende-eeuwse panden in Lemmer.

Over de Fryske Akademy

De Fryske Akademy doet, deelt en faciliteert wetenschappelijk onderzoek naar de Friese casus in internationaal en multidisciplinair perspectief. De focus ligt daarbij op taal en meertaligheid, geschiedenis en erfgoed, de mens en zijn omgeving en de ontwikkeling van digitale infrastructuren, het liefst in dwarsverband en in comparatief perspectief. In 2023 bestaat de Fryske Akademy 85 jaar.

De werkverbanden en studiekringen van de Fryske Akademy fungeren als platform voor burgerwetenschap en als ontmoetingsplek voor kennisuitwisseling op onderzoeksgebieden zoals genealogie, archeologie, letterkunde en maritieme geschiedenis.

In het kort

• Lezing Anne Hielke Lemstra – ‘Luxwolda’
• Datum: zaterdag 25 november 2023
• Plaats: ‘t Trefpunt, Hegedyk 38A, Luxwoude
• Voertaal: Frysk
• Tijd: inloop 13:00 uur, aanvang 13:30 uur
• Toegang: gratis

Online

• Fryske-akademy.nl
• Fryske Akademy – Genealogysk Wurkferbân
• Fryske Akademy – Fryske Rie foar de Heraldyk
• Genealogysk Jierboek

---

Datum: Zaterdag 25 november

Aanvang: 13:00 uur
Locatie: 't Trefpunt